Се чини дека почетокот на есента во Њујорк и тамошната клима овозможуваат експериментирање со стилови. Блејк Лајвли со своите модни избори јасно претстави на кое парче најмногу се радувала, додека нејзината пријателка, пејачката Тејлор Свифт не се откажува од сандали, боси стапала и мини здолништа.
Актерката се појави во безвременски пар есенски чизми. Обувките на ѕвездата од серијата „Gossip Girl“ се чизми од велур од камила со полу-шпиц и висока потпетица. Иако малку потсетуваат на сè попопуларните каубојки, сепак се држат до класиците.
Чизмите на Лајвли додадоа разноврсна, чиста основа на остатокот од нејзината облека, која имаше ребрести бел горен дел и кожено здолниште – миди стил скроен од риги во нијанси на кафена, цигла црвена и златно жолта. Со сето тоа одлично прилегаше и блејзер од твид „Шанел“ со кожни делови на реверот и џебовите.
Мулти-текстурниот ансамбл на Лајвли беше завршен со блескав златен накит, кој вклучуваше слоевит ѓердан и заоблени обетки со диск. Металните парчиња додадоа остар сјај што ги надополнуваше соодветните акценти на нејзината облека, впечатувајќи максималистичка но многу елегантна нота.
Од друга страна, Тејлор Свифт беше повеќе од подготвена за излегување во мини фустан со прерамки нагласен со широк кожен ремен.
Софи Тарнер се одлучи за поостар кожен ансамбл од глава до пети, кој полека станува олицетворение на есента. Сако со патент, мини здолниште и чизми до колена за вистински „edgy“ момент.
Во меѓувреме, Лајвли во нејзиниот ансамбл беше поприлично инспирирана од 70-тите, но сите три покажаа дека не мора да се договорите со пријателите пред вечерно излегување – секој ја покажа својата автентичност преку одредена естетика во која се во моментот. Иако јасно ги следат актуелните трендови, сите три донесоа поинаков моден израз, кој само ви докажува дека доколку краткото кожено здолниште не е во склад со вашиот животен стил и работа, можете да се одлучите за миди верзија како Блејк Лајвли. А ако сте вистинска „party“ девојка, кратко здолниште и додатоци му даваат поинаква димензија на малиот црн фустан.
