Ако некогаш сте запалиле микробранова печка за да направите пуканки, сигурно сте запознаени со класичните упатства на ќесата кои јасно кажуваат: „Оваа страна нагоре“. Но, дали некогаш сте размислувале што би можело да се случи ако одлучите да ги игнорирате овие упатства?
Сајтот All Recipes реши да провери што всушност се крие зад таа инструкција.
За многумина од нас, упатствата за пуканки се како свети заповеди кои нè спасуваат од изгорени пуканки, недоволно зготвени зрнца или, не дај боже, експлозија во микробрановата печка. Но, што всушност ќе се случи ако не ги следите упатствата?
Се разбира, резултатите не се многу драматични.
Причината зошто производителите на пуканки за микробранова печка инсистираат да ставите одредена страна од кесата нагоре кога ќе почнете да ги загревате е затоа што едната страна од кесата (страната што сте ја спуштиле) го содржи сусцепторот. Сусцепторот е специјален материјал поставен на едната страна од кесата кој ја апсорбира енергијата од микробрановата печка и ја претвора во топлина. Ова го забрзува процесот на пукање и им овозможува на малите пченки да станат големи, меки пуканки.
Пуканките, се разбира, ќе пукаат без сусцептор. Можете да ги направите дури и во обична хартиена кеса, потребно е само малку повеќе време. Сепак, употребата на сусцептор помага во постигнување на поголем број на големи пуканки и го намалува бројот на мали и „неексплодирани“ зрнца.
Токму тоа се случи во експериментот што го спроведе сајтот All Recipes. Кога авторите на статијата ја превртеле ќесата и ги игнорирале упатствата, забележале дека на пуканките им требале неколку моменти повеќе за да почнат да пукаат. На крајот, во ќесата имало помалку пуканки во споредба со онаа што ја свртеле правилно.
Така, кога случајно ќе откриете дека вашата ќеса е наопаку, нема потреба од паника. Пуканките сепак ќе може да се јадат. Можете да ја запрете микробрановата печка, да ја превртите кесата или едноставно да ја оставите како што е. Можеби ќе добиете неколку пуканки помалку, но разликата во квалитетот на вкусот е речиси занемарлива, па можете слободно да се почестите со вашите омилени грицки.