Некогаш само две состојки се доволни за добар десерт. Овој колач со марципан е најдобар доказ за тоа.
Марципан е тврд десерт направен од мелени горчливи бадеми и шеќер. Тоа е основа за колачот и се меша со јајца за да се добие смесата со пандишпан.
Бисквитот се пече на две различни температури – почнете со повисока и завршете со малку пониска за да ја добиете соодветната текстура на десертот.
Печениот бисквит е многу мек и ароматичен, а по желба можете да го декорирате со третата состојка од рецептот – шеќер во прав.
Состојки:
250 гр марципан
4 големи јајца
Подготовка:
Загрејте ја рерната на 170 степени Целзиусови.
Обложете ја тавата за торта (со дијаметар од 20 сантиметри) со хартија за печење и оставете ја на страна.
Исечете ја масата марципан на помали парчиња и нежно загрејте ја во микробранова печка.
Измешајте ги јајцата во миксер додека не станат многу пенасти.
Постепено измешајте го мекиот марципан во јајцата и продолжете со мешањето додека состојките не се соединат.
Смесата треба да остане мека.
Префрлете ја смесата во подготвениот калап за колачи и ставете ја во загреана рерна околу 15 минути.
Потоа намалете ја температурата на 120 Целзиусови степени и печете уште 30 минути.
По потреба прекријте го колачот со хартија кон крајот на печењето.
Колачот треба да биде цврст на допир, но не и сув.
Оставете го да се излади, а потоа исечете го. По желба, колачот можете да го послужите со малку шеќер во прав.
Добар апетит!