Одлично јадење кое може да се состави од само неколку состојки. Рецептот за ова печено пилешко во сос песто ала џеновезе го докажува тоа.
Иако можете сами да го направите сосот користејќи босилек, борови ореви, пармезан, маслиново масло, лимон, сол и лук според овој рецепт, целиот процес ќе биде побрз доколку користите готов сос од продавницата.
Купените сосови обично содржат висока концентрација на сол и други зачини, па затоа не е неопходно дополнително да се зачинува месото.
Ако користите сос од продавница за подготовка на пилешкото, ќе ви бидат потребни само две состојки, кои значително ќе го скратат времето на подготовка и количината на валкани садови.
Состојки:
2 пилешки гради без коски и кожа
4 лажици песто џеновезе сос
Подготовка:
Обилно премачкајте ги пилешките гради со песто од сите страни.
Гответе го месото во нелеплива тава на силен оган – околу пет до шест минути од секоја страна додека пилешкото не се свари.
Месото можете да го испечете и во рерна – градите премачкани со песто ставете ги на плех кој претходно сте го обложиле со хартија за печење. Ставете го во загреана рерна на 190 Целзиусови степени и печете околу половина час, односно додека целосно не се обработи термички.
Послужете го печеното пилешко со салата по ваш избор. Добар апетит!