Дека треба да миеме јаболка или грозје пред јадење е јасно како ден, но дали ги миете бананите, лубениците или авокадото? Експертите за безбедност на храна велат дека пред јадење треба да ги миеме и овошјата со дебела кора, која обично ја лупиме и фрламе.
Дебелата кора од овошјето или зеленчукот го отежнува минувањето на бактериите или нечистотијата, но при сечењето, ножот може да ги турне внатре, па експертите советуваат дека секое овошје треба да го измиеме пред консумирање. Освен тоа, лесно можеме да пренесеме бактерии од нашите раце по лупењето на предмети што ги користиме секојдневно – како на пример мобилен телефон, па лесно може да завршат во нашата уста, очи или нос.
И додека може да видиме нечистотија на кората на овошјето и зеленчукот, преостанатите пестициди или салмонела не се нужно видливи, како што е потврдено од американската Агенција за храна и лекови, која откри листерија и салмонела на авокадото.
Миењето нема да ја направи храната стерилна или безбедна за јадење, но може да го намали ризикот од контаминација, како и да отстрани песок, штетници, пестициди, хербициди или восок.
Готвачот Џошуа Ресник забележува дека ја мие целата храна што ја сече, дури и онаа што ја лупи, како кромид.
„Не знаеме низ што поминала целата храна. Од земја до маса, можела да дојде во контакт со секакви нечистотии или загадувачи“, вели готвачот.