Нивниот брак неколку пати беше во центарот на вниманието, а последен пат беше на доделувањето на Оскарите минатата година.Американската актерка Џејда Пинкет Смит откри дека таа и нејзиниот сопруг, исто така актер,Вил Смит биле тајно разделени во последните седум години,пишува Daily Mail.
Во оваа прилика таа призна дека двојката,која се венчала во 1997 година,сè уште се обидува да види и „сфати“ во која насока ќе оди нивниот брак во иднина.
Џејда ја сподели шокантната вест во своето ново интервју за People откривајќи ја тајната на бракот со популарниот актер.
Признанието доаѓа заедно со промоцијата на нејзината нова книга,во која таа зборува за болни теми,вклучувајќи ја и нејзината борба со депресијата,која започна кога наполни 40 години.
– На хартија,сè изгледаше одлично – имав прекрасно семејство,сопруг суперѕвезда,раскошен начин на живот,слава и богатство – пишува таа во книгата,според извадокот до кој дојде People.
Сепак,таа вели дека зад сцената„паднала во очај и сè помалку сакала да биде на оваа земја“.
Да потсетиме,бракот на Џејда и Вил во последните години често беше под лупа на јавноста,а многумина беа изненадени кога во 2020 година,во нејзината емисија “Rеd Table Talk”,отворено разговараа за аферата на Џејда,која таа ја имаше четири години претходно со многу помлад човек.
После тоа,нивниот брак повторно се најде во центарот на вниманието на јавноста кога минатата година нејзиниот сопруг Вил Смит му удри шлаканица на актерот,а потоа водител Крис Рок на доделувањето на Оскарите,кој се пошегува на сметка на фризурата на познатата актерка.
View this post on Instagram
Двојката се венчала во 1997 година,а како што еднаш кажала Џејда,во тој момент не сакала да се венча.
– Бев под притисок,знаете,не е лесно кога си млад,а во исто време млада актерка желна за успех.Едноставно не знаев што да правам,а бев бремена.Всушност,никогаш не сакав да се омажам – изјавила Џејда.
Џејда се присетила и на нејзината мајка која ги принудила да се венчаат и уште еднаш повторила дека не сака,но морала затоа што забременила.
Истакнала дека венчавката била ужасна,била многу вознемирена и на работ да заплаче,ништо не и се допаѓало,додека Вил Смит секогаш тврдел дека тој ден бил најсреќен и дека секогаш замислувал големо и среќно семејство.