Јадењето грозје е добро за очите, покажуваат истражувањата. Според научниците од Националниот универзитет во Сингапур, само една шака грозје дневно во текот на четири месеци ги подобрува клучните индикатори за здравјето на очите.
Тајната е дека влошувањето на видот е последица на оксидативен стрес, односно оштетување на клетките, бидејќи телото нема доволно антиоксиданси, а грозјето ги има во изобилство.
Тимот проучувал 34 возрасни кои јаделе една или една и пол шолја грозје дневно. Забележано е значително зголемување на индикаторите за добро здравје на очите, оптичката густина на пигментот на макулата, антиоксиданси во плазмата и содржината на феноли во споредба со испитаниците кои примале плацебо терапија. Оние кои не јаделе грозје забележале значително зголемување на гликацијата, што е типичен, но штетен процес на стареење.
Коавторот на студијата, др. Јунг Еун Ким рече:
– Грозјето е лесно достапно овошје за кое студиите покажаа дека може да има корисни ефекти во нормални количини од само една и пол шолја дневно. Редовното внесување на грозје може да го подобри здравјето на очите кај постарите лица.