Палачинките се едно од омилените задоволства и ги има во различни верзии, а нивната подготовка никогаш не била полесна. Можете дури и да ги печете во микробранова печка.
Состојките што ви се потребни се:
– едно јајце
– 100 грама брашно
– околу 100 милилитри вода
– 100 милилитри млеко
– две лажици масло
– две рамни лажици ситен шеќер или една кесичка ванилин шеќер
– прстофат сол
Подготовка:
За почеток изматете го јајцето, малку сол, млекото, маслото и шеќерот. Потоа постепено додавајте брашно и вода додека не добиете смеса со саканата дебелина, пренесува City Magazine.
Истурете ја смесата во плитка чинија и загрејте ја во микробранова печка до три минути. Кога ќе поминат три минути, внимателно извадете ја палачинката и премачкајте ја со омилениот намаз и уживајте!