Есента и зимата традиционално се резервирани за понеутрални бои, а една од најпопуларните е дефинитивно сивата боја. Ова е разноврсна боја и има репутација како една од оние што навистина оди со се, можеби дури и повеќе од црната, која визуелно е многу подоминантна и потешко се комбинира со одредени бои.
Без разлика каква нијанса на сиво ќе изберете, посветла или потемна, таа лесно ќе се прилагоди на другите бои во вашата модна колекција. Меѓутоа, кај некои тие уште повеќе ќе се истакнат и нема да изгледаат досадно, а подолу проверете кои бои се тие.
1. Розова
Искористете ја популарноста на таканаречената огнена розова, која одлично оди со сивата боја, но добар избор ќе бидат и сите останати розови нијанси.
2. Жолта
Бојата на среќата и оптимизмот ќе си поигра со сивата, особено ако ја надополните со канаринско жолта и други светли нијанси од жолтата палета.
3. Бело
Совршена комбинација на класични бои. Сивото и белото навистина се совршен пар, без разлика дали дизајнирате елегантно или лежерно издание.
4. Црно
Истото важи и за комбинацијата на сива и црна боја. Елегантна комбинација во која секогаш ќе изгледате одлично, без разлика на пригодата.
5. Црвено
Скршете го модерното сивило со црвени детали. Црвената боја е интензивна, навистина привлекува очи и ќе го разбуди вашето издание за секунда.
6. Кафена
Доколку сепак преферирате класични нијанси, комбинирајте сиво со кафено. Потемните и досадни нијанси на кафена боја се како создадени за деловни пригоди.
7. Зелена
Ослободете ја вашата фантазија бидејќи зелената палета е богата со нијанси и нема да погрешите ако ги комбинирате со сива боја.
8. Портокалова
Поиграјте си со светлите нијанси на портокалова, барем во форма на детали, бидејќи ќе добиете навистина ефикасна комбинација.
9. Беж
Многу елегантна комбинација за оние кои сакаат класични бои.
10. Сива
За впечатлив финален впечаток, вметнете различни нијанси на сиво во вашето издание.
