Можеби сте слушнале дека напитокот од лимон и мед наутро „прави чуда за вашето здравје“. И медот и лимонот содржат моќни терапевтски својства кои се комбинираат за да направат одличен тоник за здравје, е верувањето кое кружи на Интернет.
Напитокот е навистина лесен за подготовка и не треба многу труд за да се испие со едно движење. Всушност, повеќето луѓе почнуваат да се радуваат на овој енергетски пијалок во рок од неколку дена по неговото користење.
И медот и лимонот се популарни намирници кои вообичаено се користат за ароматизирање на храната и пијалоците. Медот најчесто се користи како природна замена за преработениот шеќер, а исто така има и некои терапевтски намени, како што се лекување рани и изгореници на кожата.
Лимоните се цитруси кои првенствено се произведуваат поради нивниот кисел сок. Може да се користат и пулпата и кората. Повеќето здравствени придобивки од ова кисело овошје доаѓаат од неговите високи нивоа на витамин Ц и други корисни растителни соединенија.
Вообичаено се верува дека комбинирањето на овие две состојки во пијалок може да помогне со долга листа на вообичаени заболувања, вклучувајќи дигестивни проблеми, акни и зголемување на телесната тежина.
Додека медот и лимонот имаат многу потенцијални здравствени придобивки и корисни намени, не сите тврдења за медот и водата со лимон се поддржани од науката, известува Healthline.