Кога после неколку месеци ќе ја извадите зимската облека од плакарот за да ја подготвите за студените денови, може да се случи да имаат застоен мирис или да мирисаат на мувла или влага. На облеката во плакарот често се појавува непријатна миризба поради поголема количина на влага во просторијата, а тоа обично значи дека просторијата не е добро проветрена. Покрај мирисот на влага, односно мувла, облеката која не била добро исушена пред да се стави во плакарот или била ставена по носењето, со текот на времето може да добие и непријатен мирис.
Не грижете се, не треба да перете сè. Постои лесен начин да ги отстраните непријатните мириси од вашиот плакар и да ги спречите да навлезат во вашата облека. За тоа ви треба само црно кафе. Ќе делува како дезодоранс во плакарот и ќе ги апсорбира сите непријатни мириси.
Земете две лажички мелено црно кафе и ставете го во платнена кеса, а потоа закачете ја во плакарот. Оставете ја кесичката за кафе неколку дена и ќе се изненадите од разликата во мирисот што го чувствувате на облеката.