Меленото месо често се користи во нашата кујна, а со него можете да направите најразлични јадења, како ќофтиња, мусака, штрудла… Не е претерано скапо, ниту комплицирано за подготовка, и е многу вкусно и затоа многу луѓе избираат овој вид месо. Доколку сте решиле да подготвувате јадења од мелено месо, како ќофтиња и полнети шницли, а сакате да бидат повкусни, во продолжение откријте ги триковите на искусните руски домаќинки. Вака подготвеното мелено месо ќе биде многу посочно. Задолжително внимавајте кога купувате мелено месо, бидејќи треба да содржи барем малку маснотии.
Компир
Земете еден компир и изрендајте го. Потоа додадете го во меленото месо заедно со зачините и другите состојки. Овој зеленчук ќе ги направи ќофтињата или полнетите месо многу повкусни.
Вода
Доколку не сакате да додадете компири, бидејќи не сте сигурни како тоа ќе влијае на вкусот, доволно е во смесата да прелиете неколку лажици ледена вода и садот со мелено месо ќе биде посочен.