Шер си е сопствената најголема критичарка, а неодамна откри дека не е љубител на нејзината музика, ниту на сопствениот глас.
– Не сум обожавател на Шер, но ми се допаѓа да го правам тоа. Едноставно никогаш не го сакав својот глас толку многу – изјави таа за магазинот Paper.
Добитничката на Греми објасни дека мислела дека тонот на нејзиниот глас е „чуден“.
– Не звучи како маж, не звучи како жена. Јас сум некаде помеѓу – рече таа.
View this post on Instagram
Шер (77) и покрај повеќедецениската кариера додаде дека не е секогаш задоволна со сите нејзини албуми.
– Направив толку многу албуми, а некои од оние за кои мислев дека се добри, колку што сакав да бидат, не беа хитови. А потоа имаше и други за кои не бев толку возбудена, рече таа.