Студените месеци можат да бидат особено тешки за нашата кожа, со оглед на тоа што поминуваме толку многу време одејќи од студениот воздух во топлите простории. Централното греење и слично може многу да ја исушат нашата кожа, предизвикувајќи дехидрација и чешање.
Но, според експертите за нега на кожа и лице, постојат едноставни трикови кои можете да ги користите за да ја рехидрирате кожата и да изгледате најдобро во овој период од годината.
Најважно е редовно да го хидрирате лицето, а кога времето е студено, овој чекор е особено важен, токму затоа што студениот воздух многу ја суши кожата и нејзината мека текстура може за миг да ја претвори во „груба“.
Оние со нормален тип на кожа треба да пробаат лесни формули, бидејќи тие можат полесно да се апсорбираат, а површинскиот слој на кожата ќе се опорави побрзо.
Доколку имате мрсна кожа, најважното нешто што треба да го земете во предвид при изборот на хидратантна крема за зимата и студената сезона е текстурата.
Гел-кремите се погодни за мрсни типови на кожа, кои не можат да толерираат тешки текстури. Најчесто, луѓето грешат во овој избор, па затоа обрнете големо внимание на овој чекор. Никогаш не избирајте формули кои содржат алкохол.
За да ја зголемите хидратацијата на вашата кожа, експертите велат дека треба да присвоите пристап на слоевитост. Редовно нанесувајте лосиони и серуми, а потоа користете хидратантна крема за да ги „запечатите“.
Според TheSun.co.uk, поставувањето на повеќе навлажнувачки формули е поефикасно од една тешка апликација на еден производ, бидејќи ќе создаде повеќе бариери за водата да не ја напушти кожата.
Друга работа што треба да се забележи е дека ако се борите со сува кожа на одредена област на лицето, можете да користите креми и формули дизајнирани специјално за тоа.
Во ова време, на вашата кожа може да влијае и начинот на кој се загревате. Ако сте некој кој сака да се релаксира во долги, топли бањи, ова може да ја исцрпи природната влажност на вашата кожа, велат експертите.
Кожата можете да ја „оживеете“ со навлажнувачки крем за тело збогатен со немрсен путер од какао, додека сувите, испукани раце треба да се третираат со специјален мелем.
Ако испуканата кожа е сериозна, секогаш е добро да добиете препорака од вашиот специјалист.