Не можете да го отстраните непријатниот мирис со помош на правосмукалка, а средствата за чистење теписи се скапи и полни со хемикалии. Постои едноставен начин како да го освежите тепихот и да ги отстраните непријатните мириси од него. Од кујната направете сосема природна мешавина од неколку зачини.
Потребно е: 1 лажичка цимет, 1 лажичка мелено каранфилче, 3 лажици сода бикарбона и 1 лажичка сува лаванда. Измешајте сè и рамномерно посипете го врз тепихот. Оставете го да отстои половина час и потоа исчистете го тепихот со правосмукалка. Ќе ја почувствувате свежината и убавиот мирис низ целиот дом.