Како да откриете дали сте паднале во вител на манипулации или погрешно сте ги протолкувале реакциите на другиот.
Повеќето од нас треба да се заштитат од негативните емоции,па затоа сакаме да ги избегнуваме луѓето кои се обидуваат емоционално да манипулираат со нас.Постои страв да станеме жртви на пасивна агресија и затоа сме внимателни,понекогаш и повеќе од потребно.Умот во својата желба да не заштити може да не доведе до погрешен заклучок.
Ова се 5 ситуации во кои можете да почувствувате дека некој ве манипулира:
1. Често ве поправа
Не може да се негира дека не е фрустрирачки кога некој ќе ви каже што сте направиле добро,а што не.Меѓутоа,само затоа што некој се обидел да ве исправи,не значи дека е манипулатор.На пример,вашиот партнер може граматички да ве исправи за збор што погрешно сте го изговориле.Она што е важно е дека додека не ве обвинуваат или не ве натераат да ги доведувате во прашање вашите сопствени одлуки,сè е во ред.
2. Немате иста меморија за споделени настани
Ако вашиот партнер е заборавен,не избрзувајте со заклучоци.Само затоа што некој не се сеќава на секој детал или го памти како вие,не мора да ве прави будала.Повеќето луѓе од време на време забораваат,некои од нив навистина имаат проблем да запомнат детали.Ако навлезете во нечија личност,споредете ја со други облици на однесување,ќе забележите дали се работи за манипулатор кој се прави дека не памети или за вистински заборавен човек.
3. Зазема одбранбен став
Сите луѓе имаат различни перцепции,па ако се обидете да предизвикате нечие мислење или акција,тие може да реагираат бурно за да ги заштитат своите чувства кои се повредени во тој момент.Сепак, тоа е само инстинкт,а не лоша емоција што тој ја чувствува кон вас.Секому може да му се случи погрешно да ја протолкува ситуацијата и едноставно да има недоразбирање.
4.Го потикнува лошото во вас
Ако веќе сте биле нерасположени и лути поради нешто друго,може да се случи ова да го одразите на вашиот партнер и да помислите дека тој ви предизвикал такво чувство со своето лошо,манипулативно однесување.Пред да донесете избрзани заклучоци,запрашајте се дали тој е причината за вашиот гнев или дали само го влошил.
5. Го носите товарот на лошите искуства
Искуствата од минатото помагаат во обликувањето на тоа кои сме, но тие исто така можат да имаат ненамерни ефекти врз начинот на кој пристапуваме кон одредени ситуации. Ова значи дека ако вашата претходна врска била токсична, ако не се грижите, траумите можат тивко да се вовлечат во здравата врска што ја градите со вашиот сегашен партнер. Потрудете се да ги одвоите лошите спомени од минатото од сегашноста за да можете слободно да чекорите по патот на животот.