Актерката со својот изглед ги засенила сите други познати личности на престижниот настан во Мадрид.
Ева Лонгорија (48) е една од наградените жени на магазинот „Harper’s Bazzar“ кои ги доделувал наградите во Мадрид, а овој престижен настан со наслов „Women of the Year“ собрал бројни познати дами.
Актерката и „очајна домаќинка“ била вистинска ѕвезда на вечерта затоа што избрала да носи фустан со едноставен дизајн, но многу предизвикувачки, а покрај тоа и бојата која е најпопуларна за оваа сезона.
Креацијата ја потпишува Зухаир Мурад, познатиот либански моден дизајнер чии креации се неодоливи, а фустанот којшто Ева го носи е достапен во продажба за околу 4.000 евра. Има висок прорез којшто му дава доза провокативност, а украсен е со ефектни сребрени топчиња.
Сепак, Ева не ја одбрала сама оваа креација туку заедно со нејзината стилистка, а долгогодишниот фризер се погрижил за нејзината елегантна фризура.
Актерката неодамна воодушевила со новата фризура која ја подмладила, но сепак на овој настан ѝ се вратила на „старата“ фризура.