Инспирирана од вистински настани и снимена исклучиво во Париз, новата играна серија „The New Look“, која многумина веќе со нетрпение ја очекуваат, ги следи модните дизајнери Кристијан Диор, Коко Шанел и нивните современици додека минуваат низ ужасите на Втората светска војна и развиваат нов моден израз. Кристијан Диор беше еден од најголемите дизајнери во историјата на модата, а својата прва колекција ја претстави на јавноста во 1947 година. Познатата новинарка Кармел Сноу ја нарече ‘новиот изглед’, поради што серијата го носи тоа име. Тоа беше враќање на модата по катастрофалните последици од војната.
Серијата има десет епизоди, а првите три ќе пристигнат на платформата за стриминг Apple TV+ на Денот на вљубените следната година, по што останатите седум епизоди ќе излегуваат по една секоја среда до 3 април. Трејлерот сè уште не е пристигнат, но Apple TV ги објави првите кадри од серијата.
Дејствието е сместено за време на нацистичката окупација на Париз, а фокусот е на клучниот момент во модната историја кога Кристијан Диор го врати во живот францускиот град и остатокот од светот развивајќи ги своите модни креации. Меѓутоа, со своите револуционерни дизајни, Диор истовремено го загрозува владеењето на најпознатата светска модна дизајнерка – Коко Шанел, која беше голем противник на неговата работа. Во одамна интервјуа таа изјави дека со својата прва колекција Диор „ги вратил жените во 19 век“ и дека жените во неговите креации изгледаат како „стари фотелји со навлаки“. Покрај ривалството со Коко, оваа динамична сага ги следи и односите на Диор со „злобните конкуренти“ како што се Пјер Балмен, Кристобал Баленсијага и други.
Историската драма е напишана, продуцирана и режирана од Тод А. Кеслер, а Лоренцо ди Бонавентура и Марк Бејкер исто така служат како извршни продуценти. Ликот на Кристијан Диор го отелотвори добитникот на наградата Еми, Бен Менделсон, додека улогата на Коко Шанел ја толкуваше оскаровката Жулиет Бинош. Тука се и Мејси Вилијамс како Кетрин Диор, Џон Малкович како Лусиен Лелонг, Емили Мортимер како Елса Ломбарди и Клејс Бенг како Спац. Серијата ќе содржи популарни песни од почетокот на 20 век, изведени од уметници како Bleachers, Florence Welch, Lana Del Rey, Matty Healy од The 1975, Beabadoobee, Nick Cave, Pеrfume Genius и други. Одговорен за музиката во позадина е добитникот на Греми наградата Џек Антоноф.