Ројтерс дошол до документ во кој 89-годишниот Џорџо Армани во 2016 година детално го решил прашањето за наследникот.
Џорџо Армани отсекогаш цврсто ги држел уздите на компанијата што ја основал,а грижата за деталите на италијанскиот моден крал се протега на јасни правила за тоа како треба да се води компанијата по неговата смрт.
Армани,кој има 89 години,сè уште е извршен директор и практично единствен акционер на бизнисот што го основа со својот покоен партнер во 1970-тите,а кој минатата година имаше промет од 2,35 милијарди евра.
Бидејќи нема деца на кои може да им се пренесе сопственоста,се шпекулира за долгорочната иднина на империјата Армани и дали,во индустријата во која доминираат луксузни конгломерати,тој ќе може да ја одржи независноста што толку ја цени.
Но,претходно необјавен документ од 2016 година,кој го чувал нотар во Милано и дошол и до Ројтерс,ги поставува идните принципи на управување за оние кои ќе ја наследат сопственоста на брендот, додека друг документ детализира прашања како што е заштитата на работните места во компанијата.
Првиот документ објаснува како неговите наследници треба да продолжат со потенцијална јавна продажба на акции,што не треба да се случи дури пет години по неговата смрт.
Што се однесува до самиот стил на Армани,документот ги обврзува наследниците „да се занимаваат со суштински,модерен, елегантен и ненаметлив стил со внимание на деталите и препознатливоста“.
Се вели дека документот е резултат на вонредниот состанок што Армани го свика во 2016 година за да се усвојат нови законски документи за групата кои ќе стапат на сила по неговата смрт.
Кој ќе го наследи Џорџо Армани?
Се очекува меѓу наследниците на Армани да се вклучат неговата сестра,уште тројца членови на семејството кои работат во компанијата,потоа долгогодишниот соработник Панталео Дел’Орко и добротворна фондација.Имено,Армани има помала сестра Росана,две братучетки Силвана и Роберта и внук Андреа Камеран.Долгогодишниот соработник Dell’Orco исто така се смета за дел од семејството,а сите во моментов се членови на одборот.
Статутарните документи го делат капиталот на компанијата во шест категории со различни права и овластувања на глас,а беа изменети во септември за да се создадат некои категории чии членови нема да имаат право на глас.
Иако документот е веродостоен,наследниците одбија да ги коментираат информациите содржани во него,па останува нејасно како ќе се распределат акциите.
Сепак,експертите тврдат дека е напишано доволно за транзицијата кон новата генерација да се одвива непречено.Се чини дека Армани се погрижил за се,бидејќи наводно во тестаментот е детализирана процедурата по која наследниците ќе избираат идни дизајнери за женските и машки колекции,како и обврската за зачувување на работните места на над 9.000 вработени.