Веќе неколку сезони винтиџ парчињата дефинитивно се во модниот фокус, па циклично едно по едно се враќаат на самиот врв на трендовите. Некои парчиња, кои до пред неколку години важеа за демоде, сега се основни во плакарите на трендсетерите, а овие панталони се одличен пример за овој феномен.
Ако мислевте дека кадифето сè уште е резервирано само за повозрасни дами или парчиња кои долго време се на дното на плакарот, се лажете, бидејќи овие панталони повторно добија популарност, но на уште помодерен начин.
И во однос на кројот и дизајнот, како и бојата, голем број луксузни брендови ги претставија своите модели на кадифени панталони на модните ревии и во колекциите есен/зима 2023/4.
View this post on Instagram
Од Луј Витон до Алберта Ферети, кадифените панталони доживеаја нов бум и станаа главен производ на уличната мода, каде што дојдоа до израз. Всушност, носењето сомотски панталони во светла нијанса сега е знак на тивок луксуз, а тие ќе ве одржуваат удобни и топли и ќе изгледаат пошик од фармерките!
View this post on Instagram
Како се носат?
На пример, Бела Хадид носи тиркизни сомотски панталони со кошула во иста боја. Тоа е еден од начините да ги носите овие панталони, односно да ги комбинирате истите бои.
Одлична опција е да ја усогласите бојата на панталоните со бојата на сакото!
Тогаш, црвените кадифени панталони се идеален избор, особено кога се комбинираат со црн топ.
View this post on Instagram
Исто така, колор-блок комбинациите се секогаш шик избор!
Омилени бои на трендсетерите: бела и сива!