Откако ќе помине фазата на почетна луда заљубеност и пеперутки во стомакот, појасно ќе ви биде дали мажот до вас е подготвен за сериозна врска и вистинска љубов. Иако понекогаш е тешко да се помирите со овој факт, неопходно е да се прифати вистината за подоцна да не доживеете големо разочарување.
Важно е партнерите да бидат компатибилни, и на ист начин да ја гледаат заедничката иднина. Сите останати се измами кои не водат до среќа и задоволство. Важно е да растеме со личноста до нас во иста насока и заедно да работиме на подобрување на врската. Јасната и искрена комуникација, навременото изразување на желбите и очекувањата и меѓусебното разбирање се важни елементи на кои почива секоја успешна врска.
Обрнете внимание на овие 5 знаци на црвен аларм дека личноста до вас сè уште не е подготвена да се посвети и одржува здрава љубовна врска:
1. Вие не сте му приоритет
Иако времето што го поминувате заедно е секогаш исполнето со забава, вие не сте баш првата личност до која ќе се посегне и ќе одвои време. Често се случува да посветува време на пријателите или колегите, а ви се јавува само кога сите останати се зафатени.
Секако, на секој му е дозволено да има свои пријатели и свој живот, но ако не ве вклучи во неговите планови, тој навистина не е подготвен за врска.
2. Не ви обрнува внимание
Маж кој навистина сака да биде со вас ќе ве извести. Постојано ќе сака да биде во ваша близина и постојано ќе ви се посветува, дури и кога не сте сами.
Ако се чини дека ја менува својата личност кога е покрај пријателите, време е да разговарате.
3. Ги откажува плановите во последен момент
Почитувањето на туѓото време е исклучително важен концепт денес. Сите денови ни се полни со обврски и задачи кои треба да ги завршиме, а слободното време го делиме само со избраните.
Дали вашиот маж ги откажува вашите планови во последен момент? Ако ова се случува исклучително често, тоа испраќа порака дека не ве сфаќа сериозно.
4. Секогаш има подготвено изговор
Дали тој секогаш има подготвен изговор кога ќе се соочите со него за откажување на плановите или неодговарање навреме?
Сега треба да бидете внимателни – без разлика колку „силен“ изговор има тој, можеби е само „професионален“ лажго кој знае како да го добие она што го сака.
5. Тој е фокусиран само на себе
Изгледа дека многу луѓе забораваат дека врската вклучува однос помеѓу две лица. Не можете да бидете себични кога сте во врска и постојано да ги ставате сопствените потреби пред желбите и плановите на партнерот.
Ако е премногу заинтересиран за себе, нема да може да ви го даде она што го бара една врска. Обидете се да му укажете на грешките и видете дали планира да работи на нив или навистина му одговара оваа врска… Ако втората опција е поверојатна, можете да направите само една работа – да си заминете од врската што не ве исполнува за да направите простор за некој што ве заслужува.