Николас Кејџ се отвори за повлекување од актерството, велејќи дека неговото време на големото платно можеби е при крај.
Во новото интервју за VanityFair, актерот зборуваше и за крајот на својата филмска кариера, навестувајќи дека и се ближи крајот.
„Можеби имам уште три или четири филма во себе. Чувствувам дека го кажав она што требаше да го кажам за киното. Мислам дека испорачав филмски изведби колку што можев… Сакам да бидам многу построг и построг во процесот на селекција. … Сакам да се збогувам додека сум на врвот“, рече актерот.
Кејџ, кој во јануари наполни 60 години, рече дека неговиот татко починал на 75-годишна возраст, што го натерало да постави груба временска рамка за тоа што планирал да направи со својот живот.
„Ако имам среќа, можеби ќе имам добри 15 години, а се надевам и повеќе. Што сакам да правам со тие 15 години, користејќи го татко ми како модел? Многу ми е јасно дека сакам да поминувам време со мојот семејство“, рече Кејџ, пренесува NME.