Дома можете лесно да направите препарат кој ќе ви ја направи косата погуста и поцврста, а потребен ви е само свеж рузмарин. Можете да купите свеж рузмарин во мала количина, спакуван во кесичка. Но, предлагаме да купите саксија со свеж рузмарин за да го имате секогаш кога ви е потребен. Одгледувајте го во прозорецот од кујната – ќе мириса прекрасно, а за овој лосион секогаш ќе имате свежи зачини и состојки.
Како да направите лосион?
Одберете пет гранчиња долги 2,5 см, ставете ги во тенџере, налејте ги со вода да ги покрие и ставете ги да се варат. Кога ќе зоврие, варете 20 минути на тивок оган. Водата ќе добие жолтеникаво-зелена боја. Тргнете ја од оган и оставете да отстои половина час, па процедете ја и истурете во чисто шише со распрскувач.
Како се користи?
Направете пресеци во косата со чешел како кога ја фарбате косата и испрскајте ги корените на косата со лосион. Направете го тоа со целата глава, а потоа масирајте го коренот на косата две минути. Правете го овој третман 2-3 пати на ден. Затворете го шишето со лосион и чувајте го во фрижидер. Првите резултати на побујна и поздрава коса можете да ги видите по три месеци, а косата ќе изгледа најдобро по шест месеци третман.