Романтичните партнерства бараат работа; успехот на емотивната врска многу зависи од комуникацијата во таа врска.
Прашање кое бара отворена дискусија е секако кога едниот партнер почнува да се чувствува „загушено“ во врската поради однесувањето на партнерот кој покажува знаци на прекумерна приврзаност и зависност, при што времето поминато заедно повеќе не е пријатно, туку се претвора во обврска и може да ја троши енергијата.
Како да се „ослободите“?
1. Пазете се од манипулации
На почетокот, изобилството на наклонетост и постојан контакт може да изгледаат донекаде привлечни, како обид на партнерот подобро да не запознае.
Меѓутоа, по некое време, станува фрустрирачки и досадно кога треба да давате извештај од минута во минута за тоа што сте правеле цел ден.
Повиците и пораките не престануваат дури и кога сте на работа, а времето што сакате да го поминете со пријателите – го презема вашиот партнер. Запомнете, некои нема да го направат тоа со директно напаѓање, туку ќе ја глумат жртвата и ќе изразат „жалење“ затоа што „не го поминувате тоа време со нив“.
Секоја форма на обид да се контролира нечие време е одраз на непочитување, манипулација, а понекогаш и злоупотреба.
Можеби вашиот партнер не е свесен за неговото однесување и како тоа влијае на вас. Без директна комуникација, партнерот не може да го поправи она што не знае дека е „скршено“. Неопходно е да седнете и да се изразите за вашиот партнер да може да ја види врската низ вашите очи.
2. Вратете го своето „јас“
За да се ослободите од шаблонот, ограничете го капацитетот на партнерот и одлучете се сами да донесувате секојдневни одлуки. Не е неопходно со партнерот да разговарате за секој минутен детал од вашиот живот.
Кажете му на вашиот партнер дека ќе одвоите време за грижа за себе во одреден период од денот. Ова време можете да го поминете во теретана, во бања или да не правите апсолутно ништо. Идејата е да го поминете времето во вашиот простор како што сакате, пренесува „Брак“.