Палачинките се меѓу најевтините задоволства со најдобар вкус. Основни состојки влегуваат во тестото за палачинки, вклучувајќи јајца и млеко. Бидејќи Божиќниот пост е во тек и повеќето луѓе го следат, ви предлагаме да направите посни палачинки. Ви ги пренесуваме 3-те најдобри рецепти. Ако сакате да бидат воздушести, тогаш заменете ги јајцата и млекото со кисела вода, сок од јаболко или чај. Уживајте во вкусот!
Посни палачинки со кисела вода
Состојки:
550 мл кисела вода
220 гр брашно
1 лажица шеќер
прстофат сол
3 лажици масло
Во сад измешајте просеано брашно, шеќер и сол. Потоа истурете ја киселата вода, а потоа маслото. Измешајте ги сите состојки и испржете ги палачинките.
Посни палачинки со сок од јаболко
Состојки:
100 мл сок од јаболко
420 ml вода
250 гр брашно
10 гр прашок за пециво
3 лажици шеќер
1 лажичка сок од лимон
2 лажици масло
Во сад измешајте го просеаното брашно со прашокот за пециво, па додадете го шеќерот. Потоа истурете топла вода, сок од јаболко, сок од лимон и масло. Измешајте ги состојките и пропржете ги палачинките.
Посни палачинки со чај
Состојки:
250 мл чај
6 лажици брашно
1 лажичка прашок за пециво
2 лажици шеќер
1 лажица масло
прстофат сол
Сварете го чајот по желба, а кога ќе се олади додадете шеќер, масло и сол. Потоа додадете го просеаното брашно и прашокот за пециво, па изматете го тестото за палачинки. Пржете ги.