Неколку лекари го дадоа своето мислење за важноста на појадокот. Во некои случаи, всушност е сосема во ред да ги прескокнете оброците наутро. Кардиологот Стефан Синатра наведува дека е важно да го придвижиме метаболизмот наутро, но поважно е што јадете отколку кога го јадете. Вашата цел наутро треба да биде да изберете хранлив оброк кој ќе ви помогне да се чувствувате сити и задоволни, за да не огладнете пред ручек.
– Кога се консумира храна со понизок гликемиски индекс, автоматски вашиот инсулин е под подобра контрола, а телото подолг период ги апсорбира хранливите материи – објаснува кардиологот.
Сепак, според нутриционистката Џејн Вилијамс, прескокнувањето на појадокот може да предизвика желба за нездрави оброци. “Прескокнувањето на оброците предизвикува опаѓање на шеќерот во крвта и затоа ве тера да копнеете за брза храна, што во 90 отсто од случаите доведува до прекумерно консумирање шеќер. Ова дополнително влијае на нивото на инсулин и може да доведе до зголемување на телесната тежина и други здравствени проблеми”, предупредува таа.
Таа додава дека е важно да се јаде два до три часа по станувањето. Ова го започнува дигестивниот систем и му сигнализира на метаболизмот да почне да работи.