Џенифер Лопез се врати на сетот по завршувањето на штрајкот во Холивуд и моментално е зафатена со снимањето на новиот филм „The Unstoppable“ во режија на нејзиниот сопруг Бен Афлек во соработка со Мет Дејмон. Пејачката и актерка беше уловена од американските папараци во парк во Лос Анџелес на пауза од снимање додека пиеше кафе, шеташе и читаше вести на својот телефон. Лопез беше лежерно облечена, во крем блуза и фармерки.
Инаку, Џенифер во новиот филм ја доби улогата на Џуди Роблс, мајката на американскиот шампион во борење Ентони Роблс, која постигна бројни успеси иако е родена само со една нога. Филмот е базиран на книгата на Остин Марфи за животот на 35-годишниот спортист, а во него играат и Џарел Џером, Дон Чидл, Мајкл Пења и Боби Канавал.
Покрај тоа што наскоро повторно ќе можеме да ја видиме на големото платно, Џенифер неодамна ги израдува своите фанови со информацијата дека после девет години излегува нејзиниот нов студиски албум „This Is Me… Now“. Деветтиот албум ќе содржи 13 песни, а светлото на денот треба да го види на 16 февруари 2024 година.
Овој нов проект е всушност продолжение на приказната за нејзиниот трет албум, објавен во 2002 година, „This Is Me…Then“. Но, тоа не е се. Новиот албум ќе биде придружен со филм кој ќе биде објавен во исто време, а ќе биде достапен на стриминг платформата Amazon Prime Video.
Новиот албум Џенифер го напиша и продуцираше со Рожет Чајед, кој има осум номинации за Греми, а работеше и на албумот Ангел Лопез, Џеф „Гити“ Гителман, Хитбој, Теј Кит, ИНК и други. Лопез го опишува како најискрен и најличен албум во нејзината долга кариера. Филмот го режираше добитникот на Греми и MTV VMA, Дејв Мејерс, а сценариото го напишаа сопругот на Џенифер Лопез, Бен Афлек и Мет Волтон.