Џеј Ло, која моментално се подготвува за објавувањето на 16 февруари на нејзиниот претстоен албум „Ова сум јас… Сега“ – продолжение на нејзиниот албум „Ова сум јас… Потоа“ од 2002 година – откри во новото интервју за Variety дека ќе биде придружен со филм.
Новиот филм на Џенифер Лопез ќе ја документира нивната романса, а ставањето на нивниот приватен живот во центарот на вниманието ја прави нервозна.
Познатата пејачка Џенифер Лопез и актерот Бен Афлек открија дека се уште имаат трауми од претходните испрашувања од новинари и медиуми.
Парот се запозна на снимањето на филмот „Џигли“ во 2003 година и тогаш започна нивната љубовна приказна. Сепак, набрзо тие станаа главна тема на таблоидите, што создаде притисок во нивната врска.
Бенифер – како што ги нарекуваа обожавателите во 2000-тите – раскина во 2003 година откако нивната венчавка беше прекината.
Лопез се омажи за американскиот пејач Марк Ентони во 2004 година, а нивниот брак траеше осум години. Тие се разведоа во 2011 година и ги имаат близнаците Макс и Ема.
За тоа време Афлек се ожени со Џенифер Гарнер со која помина 13 години. Заедно имаат три деца – Виолета, Серафина и Самуел.
Двојката повторно се обедини во 2021 година, решија да ја крунисаат својата љубов со брак и се венчаа во 2022 година во Лас Вегас.
Ставањето на нивниот приватен живот во центарот на вниманието „ја враќа во бурниот период на раскинувањето и ја прави нервозна“.
-Сега сме помудри. Знаеме и што е важно, што е навистина важно во животот и не е толку важно што мислат другите луѓе. Се работи за тоа да бидеш верен на тоа што си – изјави пејачката за „Пејџ сикс“.