Џенифер Лопез се подготвува за божиќните и новогодишните празници, а нејзините модни и мејкап трикови секогаш вреди да се усвојат, бидејќи таа е дива од која дефинитивно можеме многу да научиме.
Латино актерката и пејачка деновиве е во центарот на вниманието поради најавениот филм кој ќе се занимава со историјата на нејзината љубов со Бен Афлек, а додека јавно зборува за причините поради кои нивната љубов првпат завршила, изгледа се е во најдобар ред во сегашноста со овој пар.
Џеј Ло и Бен отидоа во луксузната стоковна куќа Максфилд во Западен Холивуд за да купат подароци пред празниците. Сепак, тие двајца не беа сами туку во друштво на Гвадалупе Родригез, мајката на Џенифер.
Со оглед на тоа што Џеј Ло е една од најдобро облечените жени во светот, таа знае дека за овие прилики е најдобро да се биде лежерен, а нејзината мајка и таа избраа комбинации со идентичен дезен, кој е секогаш тренди, но и многу омразен!
Имено, и двете дами носеа леопард принт, кој со децении предизвикува модни контроверзии, бидејќи додека некои го обожаваат, други го сметаат за застарен и не толку софистициран.
Додека мајката на Џенифер носеше хеланки со животински принт, Џенифер се одлучи за моќно палто, кое го комбинираше со црни комбинации.
Сепак, Џенифер спаѓа во таборот на жени кои го обожаваат, а очигледно и нејзината мајка!
Она што е важно да се запамети кога се носи животински принт е дека едноставноста е клучот, иако некои жени успеваат многу ефикасно да носат животински принт со животински принт.