Актерот Доминик Вест, кој го играше кралот Чарлс Трети во серијата „The Crown“, кој ги следи животите на британското кралско семејство откако кралицата Елизабета Втора дојде на власт, е во лоши односи со вистинскиот принц Хари – и откри зошто.
Освен што е познат по професионалните ангажмани, овој актер е познат и по љубовните врски кои го потресоа светот. Тој неодамна проговори за тоа како завршило неговото пријателство со Хари пред 10 години.
– За малку ќе изгубевме контакт затоа што кажав премногу на прес-конференција, по што престанавме да зборуваме – рече актерот во епизода на Sunday Morning на Тајмс радио.
Вест разговарал со водителката Кејт МекКен подетално за неговото прекинато пријателство со војводата од Сасекс.
Тој објаснил дека тоа се случило една година откако се вратиле од хуманитарен настан во 2013 година, „Walking the Wounded“, кој бил патување со повредени ветерани на Антарктикот.
Иако не навел конкретни детали, се сетил како било во 2014 година.
– Мислам дека ме прашаа што правиме, а ние славевме кога стигнавме и јас веројатно кажав премногу – рекол меѓу другото актерот.
Како што вели Вест, нивното пријателство завршило пред 10 години и тој немал можност да побара совет од Хари како да го глуми неговиот татко Чарлс. Исто така, актерот неодамна откри дека го спречил својот син Сенан да го игра младиот принц Вилијам во серијата.
– Не ми се допадна идејата тој да глуми во сцена каде на едно момче му кажуваат дека мајка му умрела.