Фармерките се универзално парче совршено за вечерни излегувања. Тие се она универзално парче кое ќе ви овозможи удобност, стил и самодоверба во посебни пригоди.
Со оглед на тоа дека сме во месец кој изобилува со разни дружења и забави, сигурно размислувате за комбинации на облека, особено за оние за новогодишната ноќ. Затоа нека ви послужат овие идеи за инспирација и да ве поттикнат да ги вклучите омилените фармерки во вашите вечерни изданија.
Наместо да трупате нови фустани во вашиот плакар, забавувајте се со составување на комбинации кои ги вклучуваат вашите омилени фармерки. Подолу, избравме пет одлични опции за собири во затворен и отворен простор каде што владеат фармерките.
1. Oversized сако + фармерки + штикли
Ова е едноставна комбинација со која не можете да погрешите, а големи се шансите да имате се што ви треба во гардеробата за ова издание.
2. Фармерки + корсет
Корсетите и фармерките се совршен пар. Ова е комбинација создадена за забави на кои ќе изгледате сензационално без премногу труд.
3. Фармерки + блуза со puffy ракави
Со фармерки, шик блуза ќе ви биде доволна за издание во кое можете да се појавите на речиси секоја божиќна забава.
4. Фармерки + светки/блузи со светки
Ако спаѓате во групата за која божиќните изданија се незамисливи без светки и сјаен материјали, добрата вест е што фармерките и светките одлично се комбинираат.
5. Фармерки + палто од вештачко крзно
И конечно, оставивме шик комбинација за дружења и забави на отворено. За ова фантастично издание ќе ви требаат фармерки и јакна од вештачко крзно.
