Без разлика дали го готвите, пржите или печете во рерна или на скара, по правило треба да се избегнува подгревање на термички обработениот зеленчук. Ако одлучите малку да го загреете, не претерувајте бидејќи загревањето зеленчук како спанаќ, моркови, репа или целер може да ги претвори нивните нитрати во потенцијално опасни токсини.
Сепак, пишува The Sun, постојат неколку начини да го избегнете ова со печен зеленчук и зеленчук на пареа.
Повторно загревање на печен зеленчук: Најдобар начин да го загреете е да ја користите рерната или повторно да го загреете во тава. Ако ја користите рерната, наредете го зеленчукот на плех покриен со хартија за печење и намачкајте ги парчињата за да ги задржат зачините и нивните сокови. Потоа премачкајте го зеленчукот со малку маслиново масло за да биде влажен и загрејте четири до пет минути на температура од 230°C.
Греење пржен зеленчук: Ако користите шпорет за подгревање зеленчук, постапката е слична. Во тавче со нелепливо дно ставете го зеленчукот и на средна температура загрејте малку маслиново масло. За подобар вкус можете да додадете малку путер, а кога ќе почне да „крчка“ тргнете го од оган и послужете.
Зеленчук на пареа: Зеленчукот на пареа, за разлика од печениот, најдобро се загрева во микробранова печка; само погрижете се температурата да не надминува 75°C. Сварениот зеленчук завиткајте го во фолија за да се задржат хранливите материи и соковите, а бидејќи брзо се загреваат, подобро е да не ја користите рерната. Фолијата со зеленчукот ставете ја во микробранова печка две до три минути, а потоа извадете ја од фолијата и послужете.
Ако сепак сакате да го користите шпоретот за да го загреете сварениот зеленчук, додадете малку маслиново масло, малку сол и бибер и мешајте додека се загрева на средна температура. Покрај тоа, важно е одвреме-навреме да се протресува за да не се залепи за тавата или тенџерето.
Колку пати може да се загрее зеленчукот? Подобро е целосно да избегнувате подгревање на зеленчукот, а ако веќе го загревате, не правете го тоа повеќе од еднаш. Зеленчукот оставен по оброкот можете да го чувате во фрижидер до три дена, по што почнува да мувлосува.