Новата сезона на холивудските награди беше отворена синоќа со доделувањето на Златните глобуси во Лос Анџелес. Настанот му претходи на престижните Оскари на 10 март, а собра бројни светски ѕвезди.
Една од дамите која најмногу шармираше со својот изглед е убавата Маргот Роби или познатата „Барби“, како што сакаме да ја нарекуваме поради улогата во истоимениот хит филм. Синоќа навистина личеше на познатата кукла.
Таа го имитираше изданието на најпознатата кукла на светот во розов фустан специјално дизајниран за неа од познатиот Џорџо Армани.
Долгиот фустан со V-деколте со светки е целосно инспириран од куклата Барби од 1977 година, а интересно е што светките беа најзастапени оваа вечер, пишува Super Woman.
Актерката носеше и накит од американската дизајнерка Лорен Шварц, која ја обожаваат познатите.
