Однесувањето на Мерил Стрип и Мартин Шорт привлекува се поголемо внимание бидејќи се верува дека тие не се само колеги од сетот на популарната серија „Only Murders in the Building“.
Заедно се појавија и на доделувањето на наградите Златен глобус, но не освоија ништо и покрај номинациите. Но, тоа е помалку интересно за јавноста, повеќе го интересира фактот дека тие можеби се во врска.
„Дали Мерил Стрип и Мартин Шорт се заедно? Ако тоа е вистина… тоа е како Џин Вајлдер и Гилда Раднер помножени со Мел Брукс и Ен Банкрофт“, напиша сценаристот Луис Виртел на социјалните мрежи.
Сепак, портпаролот на славниот актер набрзо одговори на гласините велејќи дека тие се само добри пријатели.
Минатиот октомври беше објавено дека актерката и нејзиниот сопруг Дон Гамер се разделени веќе шест години. Иако со години изгледаа како хармоничен пар, успешно ја задржаа веста за нивната разделба, но и покрај тоа останаа во добри односи и ветија дека ќе се грижат еден за друг засекогаш.