Деновиве слушаме многу за повнимателно јадење. Јадете побавно, смислено и без да гледате телевизија, ќе влијаете и на слабеењето.
Една нова студија објавена во списанието BMJ Open открива дека луѓето кои јадат бавно, исто така, имаат тенденција да имаат помала тежина. Се чинеше дека забавувањето на брзината со која јаделе со текот на годините им помогнало да ослабат.
Ако јадете брзо, не само што го отежнувате варењето, туку и натрупувате килограми. Истражувањата покажаа дека луѓето кои само брзо голтаат храна се прејадуваат почесто од оние кои јадат побавно. Треба да се има предвид дека варењето започнува во устата и дека храната треба добро да се џвака пред да се проголта.
Научниците веруваат дека брзото јадење го запира ослободувањето на хормоните кои му кажуваат на мозокот кога стомакот е полн. Ова знаење го поддржува веќе добро познатиот совет дека секој залак треба да се џвака најмалку 20 пати пред да се голтне.
Истражувачите ги разгледале податоците од 60.000 луѓе со дијабетес во период од шест години. На прегледите во текот на годините, тие беа прашани за нивните животни навики, како што се брзината на јадење, употребата на алкохол и режимот на спиење. Тие, исто така, беа прашани дали имаат тенденција да вечераат во рок од два часа по спиење, дали имаат ужина по вечерата и дали појадуваат.
Шансите за дебелина беа поврзани со сите однесувања поврзани со храната. Брзината со која се јаде имаше прилично значаен ефект.
Луѓето кои јаделе со нормална брзина имале 29 отсто помали шанси да бидат дебели отколку луѓето кои јаделе брзо. Луѓето кои јаделе бавно имале 42 отсто помали шанси да бидат дебели. И интересно е тоа што луѓето кои ја забавиле брзината на јадење за време на периодот на студијата, имаат тенденција да губат тежина со текот на времето, мерено со БМИ и обемот на половината.
Професорот Стивен Блум од Империјалниот колеџ во Лондон, кој го водел ова истражување, истакна дека за епидемијата на дебелина секако придонесува и тоа што денес луѓето обично јадат брзо и на своите биро.
„Брзото јадење, јадењето на работа придонесуваат за зголемен ризик од дебелина. Нема сомнеж дека ако јадеме побавно, што одлично го контролираме, имаме поголеми шанси да останеме витки“, тврди тој.