Идниот крал целосно се посвети на семејството додека Кејт Мидлтон се опоравува од операција на абдоменот.
Покрај тоа што во голема мера се грижи за децата и покажа колку е посветен како татко, принцот Вилијам уште еднаш се докажа во улогата на сопруг, секојдневно посетувајќи ја принцезата од Велс, која се опоравува од операција во приватна болница во Лондон.
Кејт Мидлтон направи операција на абдоменот на 16 јануари, а засега единствено е познато дека добро закрепнува и дека пред сопствената операција на простата ја посетил кралот Чарлс Трети.
Принцот Вилијам бил забележан пред болницата само два дена по операцијата на неговата сопруга, но извори блиски до кралското семејство тврдат дека тој целосно го исчистил распоредот од сите обврски и секој ден одел да ја поддржува идната кралица.
Во исто време, се дозна дека нивните деца, принцот Џорџ (10), принцезата Шарлот (8) и принцот Луис (5) ја поминале минатата недела со нивните баба и дедо Мајкл и Керол Мидлтон во нивниот дом во Беркшир.
Децата сè уште не ја посетиле Кејт во болница, а од кралското семејство изјавиле дека тоа никогаш не било планирано бидејќи „сакаат да им дадат чувство на нормално детство“ и да ги држат подалеку од центарот на вниманието во овој момент.
Кејт треба да ја напушти болницата на 30 јануари, а дотогаш Вилијам ќе има помош од дадилката Марија Тереза Турион Борало, која е со семејството откако Џорџ наполни осум месеци во 2014 година.