Кога станува збор за поздрав утрински пијалок, нема сомнеж дека чајот е подобра опција за почеток на утрото. Нутриционистот Авни Каул од Њу Делхи истакнува дека подобро е да се пие чај на почетокот на денот, а ова се причините:
Има помалку кофеин
Нема сомнение дека кофеинот на сите им дава малку излив на енергија, но може да биде штетен ако не се консумира умерено. Содржината на кофеин во чајот е помала од онаа во кафето, па затоа чајот е подобар за организмот. „Додека кофеинот може да обезбеди почетен излив на енергија, премногу кофеин може да доведе до нервоза. Чајот нуди поблаг внес на кофеин, намалувајќи го ризикот од овие појави“, објаснува нутриционистот.
Лесно будење
Малкумина се веднаш полни со енергија штом ќе се разбудат. Кафето веднаш ќе ве разбуди, но тоа можеби не е добро. Нутриционистот вели дека “чајот содржи амино киселина позната како Л-теанин, која има смирувачки ефект и може да ги балансира стимулирачките ефекти на кофеинот. Ова може да доведе до порелаксирано будење, во споредба со ненадејниот излив на енергија од кафето”.
Хидратација
Дехидрацијата е проблем кој се јавува поради пиење кафе доколку не се зема во препорачани количини. Кафето е диуретик, што значи дека може да доведе до зголемено производство на урина и можна дехидрација. Чајот придонесува за хидратација бидејќи првенствено е вода. Останувањето хидрирани наутро е клучно за целокупната благосостојба во текот на остатокот од денот.
Антиоксидативен поттик
Чајот, особено зелениот, е богат со антиоксиданси кои имаат различни здравствени придобивки – го поддржува имунитетот и ги штити клетките од оштетување.
Чувствителност на желудникот
Кафето може да предизвика стомачни тегоби кај некои луѓе, што го прави чајот одлична алтернатива. Чајот е понежен за желудникот, поради што се препорачува за секој кој е чувствителен на киселина или има стомачни проблеми.