Сите парови кои размислуваат да се венчаат во 2024 година ќе бидат среќни кога ќе слушнат дека ова е најдобрата година за брак. Така барем вели старата кинеска традиција која се заснова на верувањето дека моментот на брак е пресуден за неговата долговечност и квалитетот на врската.
Важно е да се избере поволен датум за венчавка, бидејќи тоа носи позитивна енергија и хармонија во бракот и на тој начин гарантира дека сите потенцијални неволји ќе бидат успешно надминати. 2024 година е година на дрвениот змеј, суштество со голем талент што симболизира моќ, благородност, чест, среќа и успех, особено во љубовта.
Збирот на бројките оваа година е осум (2+0+2+4), што е бројка што ја симболизира бескрајната љубов меѓу мажот и жената.
Сабота е најпопуларниот ден за свадби. И не случајно – се верува дека саботата ја благословил Сатурн, планетата на обновата и бракот.
Според кинескиот хороскоп, најсреќниот ден за брак е 8 август. Бројот осум ја претставува бесконечноста, а кога се применува на бракот, означува бескрајна љубов меѓу партнерите. Бидејќи август е осми месец во годината, бројот осум има двојно значење и неговиот ефект се засилува.
Кога станува збор за месеци, тоа се – мај, јули, август и ноември, а кога зборуваме за датуми, најсреќни се 2-ри, 8-ми, 13-ти, 14-ти, 17-ти, 20-ти, 25-ти и 29-ти ден од еден од споменатите месеци.
Истото верување вели дека за свадби треба да се избегнува 4-тиот ден во месецот, како и месец април, бидејќи бројот 4 се поврзува со лоша среќа во љубовта.