Еве како најдобро да ги искористите својствата на овој зеленчук.
Морковот е вреден зеленчук за нашето здравје, кој носи бројни придобивки за нашето тело. Но, како да го консумирате овој корен на најдобар начин, без да изгубите некое од неговите својства?
Како да консумирате моркови
Морковите може да се јадат и сирови и варени, како состојка во многу слатки и солени рецепти.
Без разлика дали го консумирате сиров (во салата, во смути или како ужина за задоволување на гладот) или варен (пржено во тава, печено или во солени пити), во двата случаи ќе имате добра залиха на влакна – особено инулин, пренесува Novi list.
Покрај тоа што на морковите им го дава карактеристичниот сладок вкус, инулинот го промовира специфичниот раст на бифидобактериите, микроорганизми кои го помагаат имунолошкиот одговор на вашето тело.
Исто така, го олеснува варењето, го ограничува создавањето на гасови и надуеност во желудникот – затоа морковите често се препорачуваат зеленчук за оние со дигестивни проблеми.
Сепак, како што видовме, освен влакна, има и многу други важни елементи во морковот – а начинот на кој го консумираме овој зеленчук влијае на нивната апсорпција.
Јадењето сирови моркови значи собирање резерви на витамин Ц, кој инаку се губи за време на готвењето: тоа значи помагање на имунолошкиот систем да не заштити од сезонски болести.
Сепак, консумацијата на варен морков овозможува да се зголеми апсорпцијата на бета-каротен, моќен антиоксиданс кој го спречува стареењето и полесно се апсорбира од телото по кратко готвење.
Готвењето исто така ја промовира апсорпцијата на витаминот А, кој е вреден за здравјето на очите.
Запомнете дека витаминот А е растворлив во масти: тоа значи дека телото подобро го апсорбира ако е придружен со масти, на пример со малку маслиново масло.
Пет причини зошто да јадете моркови:
1. Како и сите жолти и портокалови овошја и зеленчуци, така и морковите ја подобруваат плодноста кај мажите и квалитетот на спермата.
2. Многу богат со антиоксиданси, особено бета-каротен, го спротивставува дејството на слободните радикали, го забавува стареењето и го намалува ризикот од рана смрт.
3. Заедно со други зеленчуци како брокула и спанаќ, морковите помагаат во борбата против дебелината кај децата и адолесцентите, што е потврдено со истражување на два американски универзитети.
4. Присуството на бета-каротен во овој зеленчук го подобрува изгледот и благосостојбата на нашата кожа, правејќи ја позатегната и розова. Дополнително, доколку се конзумира во лето, морковите промовираат здрав и изедначен тен бидејќи бета-каротинот го стимулира производството на меланин (супстанцијата која и дава боја на кожата кога потемнуваме).
5. Конечно, морковите се меѓу намирниците кои се добри за вашиот вид, благодарение на високата содржина на витамин А.