Британската манекенка и водителка Кели Брук која во 2016 година беше прогласена за „сопственичка“ на совршено тело, на својот Инстаграм профил објавила фотографија стара 19 години.
Убавата манекенка се потсетила на времето кога ја водела емисијата „Love Island“ во периодот од 2005 до 2006 година. Тогаш имала само 26 години.
„Подобро изгледаш денес“, „Најлошата емисија некогаш. Најзгодната жена некогаш“, „Совршена си“, „Денес си уште поубава“, биле само дел од коментарите на нејзините фанови.
Да ве потсетиме, во 2016 година експертите од Универзитетот во Тексас објавиле дека британската манекенка и актерка Кели Брук е сопственичка на совршено тело, а магазинот „FHM“ ја прогласил за најсексапилната жена на светот.
Студијата која се занимавала со тоа ги вклучила висината, тежината, должината на коса и обликот на лице.
„Оваа жена е целосно природна и научно совршена“, порачале тогаш авторите на студијата.
Студијата тогаш открила дека BMI од 18,85 со мери 93-61-87 сантиметри се сметаат за идеални.
Според достапните податоци, Кели тогаш била висока 168 сантиметри, а нејзините мери биле 99-63-91 сантиметри, со што била најблиску до идеалните.
Дополнителен плус, според авторите на студијата, било тоа што таа не правела никакви естетски операции.
Оваа титула дополнително ја прославила Кели, но таа денес изгледа значително поразлично и тврди дека никогаш не се чувствувала подобро.
„Мене ме фотографираа речиси секој ден во животот и навистина можам да видам докази од тие несреќни времиња. Кога ќе ги погледнам своите стари фотографии си велам: „Ох, тогаш бев навистина слаба“, а потоа ќе се сетам дека бев слаба затоа што тогаш нешто ми се случи“, изјавила таа во едно свое интервју.
Денес Кели е во брак со Џереми Париси којшто како што тврди, секогаш ѝ помагал со нејзината самодоверба.