Кога мочниот меур сигнализира дека е полн, треба да отидете во тоалет што е можно поскоро.
Во спротивно, одложувањето на оваа потреба и чекањето може да му наштети на здравјето на многу начини. Оние кои имаат тенденција да страдаат и да чекаат последен момент го принудуваат својот мочен меур да складира поголеми количества урина, што го ослабува. Покрај тоа, задржувањето на урината, придружено со недоволно внесување вода, може сериозно да го оштети мочниот меур, да доведе до неволно мокрење, инфекции на уринарниот тракт и камења во бубрезите.
Постои уште една крајност,некои луѓе често одат во тоалет „за секој случај“ дури и кога не чувствуваат потреба. Оваа навика може негативно да влијае и на еластичноста и силата на мускулите на мочниот меур.
Уролозите велат дека здрав човек уринира шест до осум пати во 24 часа. А ова се можните последици ако не ја слушате физиолошката потреба за мокрење:
Олабавување на мускулот на мочниот меур
Мочниот меур е дел од уринарниот систем и резервоар на урина во рамките на растеглива мускулна структура. Мочниот меур ја складира урината произведена од бубрезите и го формира долниот уринарен тракт со уретрата. Кога е полна, нервните импулси испраќаат информации до мозокот. Мочниот меур во суштина е слој на внатрешна кожа, а ѕидот на мочниот меур е претежно мускул, и како и другите мускули во телото, ако премногу се напрегаат, или да се одложи одењето во тоалет или да се оди во „само за секој случај“, ќе настане штета.
Неволно испуштање на урината
Уринарната инконтиненција, односно неволното истекување на урина од мочниот меур или губењето на контролата на мочниот меур, е чест проблем, кој влијае на 10 до 30 проценти од возрасните. Проблемот е поизразен кај жените над 60 години и често е резултат на задоцнето мокрење. Најчестите форми на инконтиненција се стресната инконтиненција, кога урината протекува поради притисок врз мочниот меур, што се јавува при кашлање, кивање или кога се обидувате да подигнете товар. Итна уринарна инконтиненција е исто така честа појава, кога губењето на урината е поврзано со силен нагон за мокрење. Важно е да се започне со лекување што е можно поскоро и да се придржувате до здравите животни навики за да се спречи понатамошно слабеење на мочниот меур.
Инфекции
Задржувањето на урината може да доведе до инфекции на уринарниот тракт, кој е стерилен, освен на делот од мукозната мембрана на самиот излез од уретрата. Разни микроорганизми, бактерии може да предизвикаат инфекција и воспаление на слузокожата на уринарниот тракт, оштетување на уринарниот тракт и функцијата на бубрезите.
Циститис
Задржување на урина и неправилно празнење на мочниот меур е најчеста причина за циститис (воспаление на мочниот меур). Кога премногу често го одложуваме мокрењето, патогените бактерии и габи стигнуваат до мукозната мембрана на мочниот меур. Воспаленија можат да бидат и резултат на лоша хигиена, воспаленија на мочниот меур најчесто ги предизвикува габата Candida albicans и бактеријата Escherichia coli. Пецкање при мокрење, болки во долниот дел на стомакот, темна урина со силен мирис, се некои од симптомите на уринарна инфекција. Некои студии потврдија дека задржувањето на урината може да доведе до размножување на бактерии кои предизвикуваат инфекции на уринарниот тракт.
Камења во бубрезите
Се смета дека камењата во бубрезите се почести кај луѓето кои не пијат доволно вода или не одат во тоалет кога е потребно. Кога овој камен во бубрегот се поместува, може да предизвика една од најболните состојби во медицината, која во некои случаи може да има сериозни последици. Камењата во бубрезите лесно и едноставно се откриваат со ултразвучен преглед.