Лени Кравиц ја доби наградата за музичка икона на People’s Choice Awards, што се одржа вчера во Barker Hanger во Санта Моника, Калифорнија.
Лени Кравиц негува имиџ на рокенрол ѕвезда. Затоа не е чудно што во неговата гардероба има голем број на кожени панталони, елеци и јакни – главно во црна боја, кои најчесто ги комплетира со чизми и предимензиониран накит.
За доделувањето на People’s Choice Awards, кои ја прославија неговата неверојатна тридецениска кариера, 59-годишната ѕвезда се одлучи за костум со модна промена. Поконкретно, кожените панталони со директен крој ги спои со јакна со преголеми раменици, под кои се гледаше голата кожа на неговото издлабено торзо.
Дали тој воопшто старее? Многу фанови се чудеа откако го видоа неговиот настап на оваа награда.
Лени Кравиц го заокружи изданието со впечатлив пар очила за сонце, долги кожени ракавици и црни чизми со крената потпетица, како и неколку препознатливи парчиња накит.
Американскиот музичар често привлекува внимание со своите модни избори на црвениот тепих. Иако најчесто носи црна облека, избира модели со интересни кроеви и текстури. Често заборава да облече кошула под сакото, за што ќе каже:
Јас не поседувам многу кошули, знаете, живеам на Бахамите.
На доделувањето на Critics’ Choice Awards оваа година тој самоуверено позираше во одело на Laquan Smith без кошула, додека на доделувањето на Златните глобуси носеше комбинезон Alexander McQueen кој ја покажуваше и голата кожа на неговото торзо.
Дури и кога носи маица, како што беше случајот на овогодинешните Греми, тој избира проѕирни и припиени модели кои ја истакнуваат неговата фит форма.