Бразилската манекенка Жизел Бундхен и нејзиниот тренер за џиу-џицу Хоаким Валенте наводно се во врска од јуни 2023 година, потврди извор близок на парот за магазинот People. “Да, точно е. Тие се во врска од јуни. Одат чекор по чекор, а на почетокот беа само многу добри пријатели. Таа е многу таинствена за нејзиниот љубовен живот и сакаше да ја задржи врската како што е можно потајна додека не се запознаат подобро“, изјавил изворот за споменатиот магазин.
Друг извор тврди дека чувствата меѓу моделот и тренерот се развиле додека биле само пријатели. “Тој и беше исклучително голема утеха кога минуваше низ тежок развод. Нивното пријателство прерасна во љубовна врска дури по него”, рекол изворот.
Иако парот сè уште не проговорил за овие наводи, за нивната љубов се шпекулира веќе неколку месеци. Инаку, на почетокот на 2023 година, една од најуспешните манекенки во светот по 13 години врска се раздели од својот сопруг, успешниот американски фудбалер Том Брејди, а заедно имаат две деца, ќерката Вивијан и синот Бенџамин.
Кога еднаш зборуваше за причините за разводот, манекенката нагласи дека тоа не е нешто што нужно го посакува: „Тоа не е нешто за што сонував и се надевав. Моите родители се во брак 50 години и навистина сакав да тоа и мене ми се случува“, признала таа, а потоа продолжила: „Но мислам дека треба да прифатиш дека некогаш се зближуваш, а некогаш се разделуваш. Тој е татко на моите деца и секогаш ќе му посакувам се најдобро и благодарна сум што ми даде убави деца“, изјавила манекенката.
Нејзината загриженост за влијанието на спортот врз здравјето на Брејди беше наведена како главна причина за нивниот развод, а таа наводно дури и му поставила ултиматум да се пензионира или нивниот брак ќе заврши. Американскиот фудбалер тоа го направи на почетокот на 2022 година, за многу брзо да се предомисли и да се врати во кариерата на професионален спортист. Се чини дека ова е судбината на нивниот брак, бидејќи во октомври истата година тие официјално објавија дека се разведуваат.