Голем број фактори влијаат на нашето целокупно здравје и благосостојба, а исхраната е еден од најважните.
Одредени хранливи материи што ги добиваме од нашата храна се неопходни за нашето тело да функционира оптимално. Од друга страна, некои други намирници всушност можат да имаат штетно дејство, особено кога се консумираат во големи количини.
Но, со толку многу опции во продавниците, не е секогаш лесно да се направи здрав избор.
Гуруто за исхрана, д-р Мајкл Мозли предупреди дека одредени видови храна може да изгледаат здрави, но всушност можат да направат повеќе штета отколку корист. На пакувањето на многу намирници пишува дека се со малку маснотии или дека немаат „нездрави“ состојки, но тоа не е секогаш точно.
„Во свет полн со производители на храна, со паметен маркетинг и недостаток на наука зад нивните тврдења, често може да биде збунувачки да се открие која храна е всушност здрава кога шетате низ продавницата“, напиша д-р Мозли на својата блог.
Иако се рекламираат како поздрави алтернативи, д-р Мозли советува да се избегнуваат овие четири намирници: чипс од зеленчук, посни верзии или алтернативи со помалку маснотии, овес од кесичка и преливи за салата, пишува Експрес.
Чипс од зеленчук
Чипсот од зеленчук често се смета за поздрава алтернатива на традиционалниот чипс. Сепак, д-р Мозли вели дека таквите производи немаат голема хранлива вредност. Тој тврди дека не се ништо подобри од обичните чипсови бидејќи се пржат во многу сончогледово масло. Наместо тоа, тој препорачува да грицкате сиров зеленчук, јаткасти плодови, семки или храна погодна за цревата, како кисела зелка и кимчи.
Алтернативи со малку маснотии
Во последните децении, алтернативите со малку маснотии се сметаат за лесно решение за губење на тежината. Но, научните истражувања докажаа дека полномасната храна може да биде добра за нас. Производите со малку маснотии често се лишени од хранливи материи и полни со шеќер и адитиви за да го заменат изгубениот вкус.
„Студијата спроведена од истражувачи од Стокхолмскиот институт Каролинска ја следеше исхраната на 20.000 жени во период од 20 години“, вели д-р Мозли. Студијата открила поврзаност помеѓу потрошувачката на полномасни млечни производи (млеко и сирење) и губење на тежината. „Во период од десет години, жените кои редовно консумирале полномасно млеко имале понизок индекс на телесна маса“, додава тој.
Инстант овесна каша
Каша од кесичка е популарна како опција за појадок што брзо се подготвува. д-р. Мозли предупредува дека една чинија инстант овесна каша може да содржи до три лажици шеќер, бидејќи некои брендови имаат дури 16 грама шеќер по порција.
Прелив за салата
Иако салатите се здрав избор, преливите имаат значително количество калории по порција, а малку луѓе всушност се држат до препорачаната големина на порциите. „Тие се исто така натоварени со адитиви за рок на траење, згуснувачи и други работи кои едноставно не припаѓаат на вашето мени“, предупредува д-р Мозли.
Поздрава алтернатива би било сами да направите прелив користејќи еднакви количини маслиново масло и балсамико оцет или сок од лимон.