Килијан Марфи стана уште попопуларен по големиот успех на филмот Опенхајмер во кој ја играше главната улога. Овој скромен актер и претходно изјави дека мрази слава и богатство и дека сонува за денот кога ќе може да ги раздели тие два поими, пренесува Мирор.
Познато е дека Марфи е 20 години во брак со Ивон Мекгинис и со неа има два сина. Целото семејство живее во јужен Даблин во дом вреден 1,5 милиони фунти. Тоа е всушност стара куќа која има шест двокреветни соби и дневна соба со камин.
Интересно е што во куќата нема интернет, а самиот актер во една прилика откри зошто им забранувал на своите деца пристап до него.
– Татко сум на двајца тинејџери, а порано бев млад. Разбирам колку е тешко за еден млад човек денес во општеството. Растењето е многу сложен период, работите се менуваат со многу голема брзина. Сите сме свесни за ефектот на интернетот и онлајн животот. Ми се чини дека децата живеат во овие уреди – рече тој еднаш.