Актерката Блејк Лајвли (36) и актерот Рајан Рејнолдс (47) се во брак 12 години, имаат четири деца и се еден од омилените парови на Холивуд, а и понатаму изгледаат вљубено како на почетокот на врската.
Сепак, не „паднало се од небо“ – тие постојано се трудат да ги зацврстат бракот и врската, а актерката сега откри посебно правило кое им е многу важно.
И покрај напорните распореди, тие се трудат никогаш да не снимаат филмови во исто време, па еден од нив е секогаш слободен.
– Кога јас и Рајан започнавме врска, воспоставивме правило дека не работиме во исто време, така што нашиот приватен живот е секогаш приоритет – изјави ѕвездата од серијата „Gossip Girl“ во емисијата Further Ado.
Понекогаш, признава таа, им било тешко да се држат до овој план, особено на самиот почеток, кога постојано морала да биде на филмскиот сет.
– Навикнат сум да работам напорно, да одам, да одам, да одам, да одам и да не застанувам – изјави Блејк Лајвли. – Посебно на „Gossip Girl“, кој беше дел од мојот живот шест години, а понекогаш снимав и по три епизоди.
И Рејнолдс, инаку, го спомна ова семејно правило во неговиот дом во интервју за People во 2019 година.
– Јас и Блејк не снимаме филмови во исто време. Ако таа снима во Тајланд, а јас во Ванкувер, никогаш нема да се видиме – истакна тој. – Функционираме како единица и навистина добро ни функционира. Децата се со нас, семејството останува заедно, тука ни е домот. Ако сме во Шпанија, Јута или Њујорк, додека сме заедно – дома сме.