Кога станува збор за здолништата за пролет и лето, постојат модели со кои е невозможно да погрешите.
Молив здолништата, синоним за елеганција и деловен стил, неодамна се носат во полежерни комбинации, еден модел на тексас здолниште ќе биде убедливо доминантен во наредните месеци, здолништата во А линија се романтични и забавни… но дизајнерите се фасцинирани од нешто малку поразлично оваа сезона.
Имено, на голем број модни ревии за време на модните недели ги видовме лелеавите здолништа како клучен тренд за потоплиот дел од 2024 година.
Острите и прави линии ќе бидат помалку популарни, па брендовите го отфрлија модниот минимализам и најавија враќање на женственоста, енергијата во движењето и вистинската пролет со помош на лесни материјали и полабав крој.
Најдобро од сè, тие можат да се стилизираат на различни начини: со нешто поформално како блуза или јакна, со високи потпетици или во комбинација со обична маица и бели патики – сигурно ќе оставите впечаток.
Ваквите модели лесно можете да ги вклопите во разни пригоди, па со мудра комбинација можете да ги носите на работа, на предавања, на разни дневни и вечерни излегувања, па дури и на многу свечени настани.
