Не постои совршен одговор на прашањето: „Колку долго треба да трае сексот?“, иако вообичаено „подолго“ значи и „подобро“. Но, што мислат жените на оваа тема?
Во студијата, објавена од „Журнал од секшуал медисин“, сексуалните терапевти биле прашани колку долго треба да трае сексот. Тие имале четири категории – доволно, прекратко, предолго и пожелно. Мнозинството оцени дека 1-2 минути пенетративен секс е прекраток, а 10-30 минути е предолг. Според нив, 3-7 минути се доволни, а 7-13 минути се посакувани.
Потоа ги прашале жените колку долго би сакале да трае нивниот однос. Повеќето рекле дека сакаат да имаат предигра, која ќе трае од 11 до 13 минути, а потоа да имаат и сексуален однос со пенетрација, кој ќе трае од 14 до 16 минути. Кога ќе ја соберете минутажата, сексот со предигра треба да трае од 25 до 30 минути.
Една неодамнешна анкета на Твитер гласи: „Дали некогаш ви е здодевно за време на пенетрацијата и само сакате да заврши што е можно поскоро?“ Дури 82 отсто од 819-те луѓе кои учествувале одговориле „да“.
Друга анкета на Твитер, со 2.380 учесници, покажа дека 61 отсто сакале пенетрацијата да трае од 5 до 10 минути, а 26 отсто сакале да трае подолго од 11 минути.
Дефинитивно, жените мислат дека подолгата пенетрација не значи и подобар секс, па тоа укажува дека мажите треба да се опуштат. Наместо маратон – зачинете ги работите. Поголеми се шансите и двајцата да доживеете оргазам доколку имате неколку пократки сексуални односи.