Комбинацијата од лиснато тесто, млад спанаќ и сирење секогаш оди добро. Доколку сакате да подготвите нешто брзо и лесно за ручек, прочитајте го рецептот за вкусна пита со спанаќ кој е готов за само половина час, а ќе донесе насмевка на лицата на вашите најблиски.
Состојки:
Пакување готово лиснато тесто
500 гр спанаќ
200 гр крем сирење
100 гр фета сирење
100 гр рендана гауда
2 чешниња лук
1 јајце
Маслиново масло
Сусам
Жолчка + лажица павлака
Подготовка:
Свежиот спанаќ бланширајте го кратко. Потоа изладете го и исечете го на ситни парчиња.
На малку маслиново масло пропржете го ситно сечканиот лук, па додадете го спанаќот. Промешајте кратко и зачинете по желба.
Спанаќот тргнете го од оган и изладете го. Додадете крем сирење, рендано сирење и фета сирење и јајце и направете компактна смеса.
Готовото лиснато тесто наполнете го со смесата од спанаќ и сирење и свиткајте во ролна. Ролатот исечете го на парчиња со дебелина од две гради и наредете ги на плех обложен со хартија за печење.
На самиот крај измешајте ги жолчката и павлаката и премачкајте ги парчињата пита. По желба додадете сусам.
Се пече половина час во рерна загреана на 200 степени или додека не порумени.
Послужете топло или ладно со омилената пролетна салата.