Одлична е за чистење на разни површини во домот, неутрализирање на непријатните мириси и многу повеќе, а неодамна се појави и метод на боење јајца со помош на сода бикарбона!
Покрај прекрасните, повеќебојни дезени на нереални нијанси, ќе ви се допадне и овој начин на боење јајца бидејќи е сосема природен.
Покрај сода бикарбона, за овој начин на боење јајца ќе ви требаат течна прехранбена боја по избор, малку вода и малку оцет.
Како да обоите јајца со сода бикарбона?
Во калапи за мафини истурете една лажичка сода бикарбона и 2-3 капки прехранбена боја. Додадете малку вода, колку да направите густа паста (колку погуста, толку подобро), добро измешајте за да добиете еднолична боја, а потоа со четка нанесете ги саканите бои на јајцата.
Кога ќе ги нанесете боите, прелијте ги јајцата со многу малку оцет. Смесата ќе почне да пени, а кога ќе престане, бојадисувањето е завршено.
Потоа исплакнете ги јајцата под млаз вода за да се отстрани вишокот боја. Не го правете млазот премногу силен.